ҚҰРМЕТ
[ араб тілі. ] зат есім. 1. Рухани құндылықтарды қастерлеу, елге, жерге, тілге, адамзатқа, ұлтқа қатысты мәденитарихи құндылықтарды жоғары бағалайтын эстетикалық және этикеттік көзқарастар жиынтығы. 2. Жеке адамға өзге адамдар тарапынан көрсетілетін қошемет, көрсеткен сыйсияпат. Құрмет алды. Құрмет қылды, құрмет көрсетті. Құрмет белгісі. тарихи. советизм. Кеңес Одағы кезеңіндегі белгілі саладағы жемісті еңбегі үшін үкімет тарапынан берілетін атақ, орден. Құрмет белгісі ордені. а) тарихи. советизм. Бейбіт өмірдегі ерекше еңбегі үшін жеке адамдар мен ұжымдарға берілетін орден. ә) Қазақстан Рес пуб ликасының жоғары наградаларының бірі. Құрмет грамотасы. тарихи. сов. Кеңес Одағы кезеңіндегі республиканың ғылымбілім, өндіріс, мәдениет, ауылшаруашылығы салаларына сіңірген ерекше еңбегі үшін берілетін ресми мақтау қағазы. Құрмет дәмету. Құрмет күту, құрметтегенін тілеу. Құрмет етті. Сый көрсетті, сыйлады, құрметтеді. Құрмет етісті. Бірін-бірі сыйлады, қадірлерін білісті. Құрметке бөледi. Қадірледi, қастерледi, үнемi естерінде ұстады, сыйлады. Құрметке бөлендi [ кенелдi, ие болды ]. Сыйсияпатқа, біреудің сыйлауына ие болды. Құрмет көрсеттi [ білдірдi ]. Қадірлепқастерледi, сыйлады, сыпайыгершілік білдірдi. Құрмет кітабы. Еңбектегi озат адамдарды жазатын кітап. Құрмет қылды [ тұтты ]. Сый көрсетті, құрметтеді, қадірледі, бағалады. Құрмет сақтады. Әдеп сақтады, ізет көрсетті. Құрмет санады. Абырой-атақ санады, бедел көрді. Құрмет тақтасы. тарихи. советизм. Еңбек озаттарының, еңбек ардагерлерінің аты жазылып, суреті ілінетін арнаулы орын. Құрметтің эффектісі. педагогикалық. Адам туралы ақпарат тапшы болған жағдайларда ол жайындағы жалпы бағамдаушылық әсердің оның қылықтары мен тұлғалық сапаларын қабылдауға тарауы.