ҚҰДА
1омоним зат есім. 1. Күйеу мен қалыңдықтың (ЕРЛІ-ЗАЙЫПТЫ адамдардың) аталары, әкелері. 2. Ерлі-зайыпты адамдардың ересек туғантуыстары мен ағайындары, ағалары, аталас, рулас ер адамдар. Құда бала. этнографиялық. а) Құдасының баласы (ұлы), т.б. жасы кіші туысы. ә) Құда болған екі жақтың аталас, рулас жасы кіші жігіттер, бозбалалар. Құда болды. этнографиялық. Біреудің қызын баласына алып берді немесе қызын біреудің баласына күйеуге берді; жекжат болды. Құда болып, құйрық-бауыр жестi. этнографиялық. Құда болу рәсімін істеп, құдаласты. Құда да [ тыныш ], құдағи да тыныш. Ешкім еш нәрсе демейді; бәрі де орнынша. Құда жортақ. жергілікті сөз. Құда түсуде істелетін ырым. Құдай қосқан құда. Өздері танысып, өз қалауымен қосылған күйеу мен қалыңдықтың атааналары. Құда сүйреу. этнографиялық. Құдалыққа келген кісілерден алынатын ырым. Құда табақ. этнографиялық. Жылқы, сиыр, қой еттерінен мүшелі еттерді топтап жілік, жамбас, омыртқа салынып, құдаларға ұсынылатын сыйтабақ. Құда тарту. этнографиялық. Құда түсе келгенде қыз ұзату тойында жігіт жағынан келген құдалардың біріне ән салдырып, екіншісіне күй тартқызып, үшіншісіне басқа да талаптар қою арқылы істелетін ойын-сауық. Құда түсті. этнографиялық. а) Біреудің қызын баласына айттыра барды (келді). ә) Бір нәрсеге қолқа салды, қалады, сұрады. Құда тігер. этнографиялық. Құдалыққа келген кісілерден алынатын ырым. Құда шақыру. этнографиялық. Құдалық жасап, құдаларды күту салты.