КАРЬЕР
[ француз тілі. cаrrіere ] зат есім. кен ісі. Жер бетіне жақын жатқан кен байлықтарын ашық әдіспен өндіретін шұңқыр жер. Карьер алабы. кен ісі. Жұмыс жүргізіліп жатқан кен орнының бір бөлігі. Карьердің жұмыс аймағы. кен ісі. Қазу жұмыстары бір мезгілде жүргізілетін барлық жұмыс кертпештерінің (аршылымдық және өндірімдік) жиынтығы. Карьер көлігі. кен ісі. Кен орнын ашық әдіспен қазып алу барысында таужыныстарды тасымалдау құралдарының жиынтығы. Карьер сулары. кен ісі. Қазылған карьер кеңістігіне тікелей құйылатын жаңбыр, қар және жер беті сулары мен жерасты сулары. Карьер шекарасы. кен ісі. Карьердің үстіңгі және төменгі контуры арқылы өтетін үстіңгі беті және олардың арақашықтығы.