КІТАП
[ араб тілі. ] зат есім. 1. Мерзімсіз баспасөз басылымы көркемәдеби, қоғамдық саяси, ғылымипрактикалық мазмұндағы туынды. 2. Есеп-қисап, мәлімет т.б. мағлұматтарды тіркеп, жазып отыратын түптелген таза ақ қағаз, қалың дәптер. 3. Мектеп оқушыларына арнап, белгілi оқу бағдарламасына негізделіп жазылған оқулық. 4. ауыспалы мағына. Құран. Кiтап айлығы. Көпшілік оқырмандарға кітаптарды насихаттап, тарату iсінің бір түрi. Кiтап ашты. мифологиялық. Бiреудің тағдырын біліп беру үшін кітапқа қарап сәуегейлік жасады. Кiтап аштырды. мифологиялық. Қасиеттi кітаптарға қарау арқылы сәуегейлік жасатты, болашағын болжатты. Кiтап ашушылар. мифологиялық. Кiтапқа қарап адамның тағдырын біліп, болжайтын сәуегейлер. Кiтап базары. Кiтаптар сатылатын жер; арнайы кітап саудасы. Кiтап бастырды. полиграфиялық. Кiтап басып шығарыпты. Кiтап басу. баспа. Қолжазбаны дайын кітап етіп шығаратын полиграфиялық өндіріс процестерінің жиынтығы. Кiтап белгісi. Кiтаптың қажеттi бетін белгілеп қою үшін қатты қағаздан ақпараттық жарнама мәліметтерi немесе әртүрлi бейнелерi бар жіңішке ұзын етіп қиып алынған қиықша. Кiтап дүкендерi. Баспа өнімдерін сату, тарату iсімен шұғылданатын сауда орындары. Кiтап кемірдi. Кітапты көп оқыды, бас алмады. Кiтап көрмесi. Жұртшылыққа баспа өнімдерін ұсынып, таныстыратын мәдени шара. Кiтапқа қарады. мифологиялық. Құран кітабын алып, дұға, сүре оқып, емдедi. Кiтап қоймасы. Кiтапхана, кітап дүкенi жанындағы кітап сақтайтын ғимарат, бөлме. Кiтап қоры. Мемлекет меншігіндегi кітапханалардағы кітаптар мен баспасөз шығармаларының жиынтығы. Кiтап саудасы. а) Жұртшылыққа кітаптар мен кітапшалар, энциклопедиялық басылымдар, плакат, ноталар, портреттер мен бейнелеу өнерi т.б. мерзімсіз баспа өнімдерін сатумен шұғылданатын сауда түрi. ә) Баспа өнімін тұтынушыларға жеткізу қызметін атқаратын кітаптардың қоғамдық өндірістегi айналым аясын ұйымдастыратын сала. Кiтап сөзi. Кiтапта жазылған нақыл, ақыл сөз. Кiтап сөресi. Жиылған кітап пен басқа да құжаттар тұратын, оларды қатар-қатар тізіп сақтауға арнайы жасалған сөре. Кiтаптан бас алмады. Кiтаптан басын көтерместен, құныға көп оқыды. Кiтаптарға иман келтіру. діни. Пайғамбарларға түсірілген қасиетті кітаптарға сенуді білдіретін мұсылмандықтың, иманның негізгі шарттарының бірі. Кiтаптың бетін ашпады. Түк оқымады, дайындалмады. Кiтап ұстады. діни. а) Құран оқыды. ә) Қолына Құран алып ант бердi, шынын айтты. Кiтап шифры. Кiтапхана каталогінде қолданылатын кітаптарға қойылатын шартты белгi.