МАГМАЛЫҚ
сын есім. геологиялық. Магмаға тән, магма тәріздес. Магмалық жапсар. геологиялық. Магмалық денелер (интрузиялар, кірінділер т.б.) есебінен қалыптасқан таужыныстардың кіріктіруші таужыныстармен жапсарласу өңірі. Магмалық кендер. геологиялық. Магма әрекетіне байланысты пайда болған кендер. Магмалық кен орындары. кен ісі. Интрузиялық массивтердің ішінде олардың алғашқы қалыптасуына бейімді қабат денелер түзген немесе жарықшақтарды толтырып, желілер түрінде қалыптасқан кен шоғыры. Магмалық таужыныстары. геологиялық. Магма немесе жанартаулық атқылаулардан жер бетіне төгілген лаваның суынуынан және кристалдануынан пайда болған таужыныстар.