ГЕНЕТИКАЛЫҚ
сын есім. Генезиске тән. Генетикалық ақпарат. биологиялық. Ұрпақтан ұрпаққа жыныс жасушасы арқылы берілетін ағзалардың қасиетi туралы ақпарат. Генетикалық алдын ала бейімделушілік. биологиялық. Ағзаның тіршілік ету ортасына қарай бейімделуінің эволюциялық генетикалық алғы шарттары; бұл шарттар тіршілік иелерінің түрлеріндегi туа біттi қасиеттер және организмдер мен олар тіршілік ететін ортаның әрекеттестігімен тікелей байланысы жоқ. Генетикалық жүк. биологиялық. Индивидуалдардың немесе популяциялардың бейімдеушілігін азайтатын генетикалық кінәраттар. Генетикалық карта. биологиялық. Бiр тіркесу тобына жататын гендердің өзара орналасу сұлбасы. Генетикалық код. биологиялық. Тiрi ағзаларға тән нуклеин қышқылдары молекуласындағы тұқым қуалаушы (генетикалық) ақпараттық нуклеидтер тізбегi түріндегi біртұтас «жазылу» жүйесi. Генетикалық психология. биологиялық. Көбінесе ересек ағза мысалында қарастырылатын, психологиялық құбылыстарға негіз болатын даму процестерін зерттейтін ғылым саласы. Генетикалық рекомбинация. биологиялық. Тiрi ағзалардың тұқым қуалайтын құрылымдық өзгешеліктеріне әкелетін ұрпақта шыққан тегінің генетикалық материалдарының қайта құрылуы. Генетикалық ресурстар. биологиялық. Аталған аумақта немесе біртұтас планетада мекендеушi барлық тірi ағзалардың тектік қорының жиынтығы. Генетикалық сұрыптау. биологиялық. Ағзаны шығу тегi мен ұрпақ сапасы бойынша бағалау. Генетикалық талдау. биологиялық. Ағзаның тұым қуалау қасиеттерін зерттеу әдістерінің жиынтығы. Генетикалық тәсіл. биологиялық. Әлеуметтік құбылыстар мен процестердің пайда болуын, қалыптасуы мен дамуын талдай отырып зерттеу әдісi. Генетикалық улылық. биологиялық. Химиялық, физикалық және биологиялық факторлардың генетикалық анықтауыш жасушалардың құрылымдықфункциялық жағдайын бұзу қасиетi. Генетикалық ығу. биологиялық. Популяциялық генетикалық құрылымдағы өзге ріс.