ТЕКТОНИКАЛЫҚ
сын есім. Тектоникаға қатысты. Тектоникалық аңғар. геологиялық. Кез келген пішінді тектоникалық ойпаңдағы аңғар. Тектоникалық жапсар. геологиялық. Таужыныстардың жыртылыпайырылу жазықтығы арқылы жапсарласуы. Тектоникалық жарылым. геологиялық. Таужыныстарының тектоникалық қозғалыстары мен деформациялары нәтижесінде жер қыртысында пайда болған жарыншақтар. Тектоникалық жорамалдар. геологиялық. Тектоникалық қозғалыстар табиғатын, жер қыртысына тән тектоникалық құрылымдар эволюциясын түсіндіру мақсатындағы жорамалдар жиынтығы. Тектоникалық жым. геологиялық. Терең жарылымдардың жер бетіндегі сұлбасына сәйкес келетін ұзыннан-ұзақ созыла сағаланған белдем. Тектоникалық карта. геологиялық. Жер қыртысының құрылымдарын және олардың геологиялық тарихтың әртүрлі кезеңдердегі дамуын бейнелейтін карта. Тектоникалық көлдер. Қазаншұңқырлары тектоникалық құбылыстар нәтижесінде пайда болған ойысты көлдер. Тектоникалық қозғалыстар. геологиялық. Жер қойнауындағы әртүрлі процестердің әсерінен болатын механикалық қозғалыстар жиынтығы. Тектоникалық құрылым. геологиялық. Жер қыртысының нақтылы өңіріне шоғырланған, сол өңірдің нақтылы тектоникалық режім белгілерімен ғана сипатталған геологиялық құрылыс ерекшеліктерін анықтайтын құрылымдық пішіндер жиынтығы. Тектоникалық циклдер. геологиялық. Тектоносфераның дамуындағы геологиялық құбылыстар жиынтығы.