ЖАНДЫ
1омоним сын есім. 1. Жаны бар, тірі. // Тірі жан, адам. 2. ауыспалы мағына. Мәнді, қажетті, маңызды. Жайдары жанды. Ашық, ақжарқын, ақкөңіл. Жанды басшылық. жергілікті сөз. Әсерлі, ықпалды, тиімді басшылық. Жанды дауыс. Әншілердің әндi фонограммасыз орындауы. Жанды жер. а) Талма жер. ә) Көңіліне ауыр тиетін тұсы. Жанды көлеңке. Тұралап құр сүлдесі қалған адам. Жанды қабар. жергілікті сөз. Жеделхат. Жанды қарға. Тірі жан, тірі пенде. Жанды қуыршақ. Қолынан еш нәрсе келмейтін қауқарсыз адам. Жанды мен жансызға арыз айтты. Бар дүниеге шағым етті. Жанды өлік. Әрекетсіз, меңіреу. Жанды сөз. Қисыны бар әңгіме, асыл уағыз. Жанды сүгірет.көнерген сөз. Қойылым, шағын көрініс. Жарқын жанды. Ашық жүзді, жайдары мінезді.