БОСАҒА
1омоним зат есім. 1. Есіктің екi жақтауы. 2. Табалдырық, есіктің төменгi жағы. 3. этнографиялық. Киіз үйдің қасиеттi саналатын, төрге қарама-қарсы, есікке жақын жерi. 4. ауыспалы мағына. Үй, отбасы, үйелмен. 5. ауыспалы мағына. Тiрек, орталық. Босаға аттады. этнографиялық. а) Ең алғаш келін болып түстi, келін болып үйге кірдi. ә) Бiреудің үйіне кірдi, үйіне келдi, алғаш үйін көрдi. Босағада жүрдi. Кiсi үйіне жалданды, малай болды. Босағаң берік болсын. этнографиялық. тілек. Үйленгендерге, некелi болгандарға қарата айтылатын, жаңа отбасыларының берік болуын білдіретін тілек. Босаға сығалады. а) Есіктен басын ғана шығарып iшке көз тастады, есіктi қалқалап қарады. ә) Әркімнің табалдырығында жүру. Босағасын [ ошақты ] күзетті. а) Түтінін түтетті, үйге ие болды. ә) Біреуге кіріптар болды, қолына қарады. Босағасы үңірейдi. Орны ойсырайып қалды, жоқ екенi білініп тұрды.