ШЫРАЙ
1омоним зат есім. Адамның көркі, өңі, ажары. Шырай ашпау. жергілікті сөз. Көңілсіздену, түнжырау. Шырай берді [ білдірді ]. а) Ыңғай көрсетті, айтқанын істеуге ыңғай байқатты. ә) Өңін кіргізді, шырайын кіргізді. б) Жақтырды, өңін жылытты. Шырай бермеді. Түсін суытты, ызғарланды, өңін жылытпады. Шырай бітті. Ажарланды, көркі кірді. Шырай жазу. жергілікті сөз. Жадырау, көңілдену, бетіне күлкі үйірілу. Шырай қалмады. Өңінен айырылды, түсі кетті. Шырайы жылы. Жүзі жылы, иманды, мейірімді. Шырайы қашты. Өңтүстен айырылды, өңі кетті. Шырайын жылытты. Ықыласы түсті, көңілденді. Шырайын келтірді. Әуенін салды, мақалын тапты. Шырайы түзелді. Райы тәуірленді.