ИКЕМДІ
сын есім. 1. Ыңғайлы, бейім, бейімді. 2. іскер, шебер. 4. термин. Қандай да бір сыртқы факторлар әсеріне қарай өзгергіш, бейімделгіш. Икемді баға. экономикалық. Экономикадағы жиынтық сұранымның өзгеруі кезінде еркін өзгеріп отыратын баға. Икемді валюта бағамы. экономикалық. Шетел ақшасына сұраным мен ұсынымды айқындайтын және еркін өсуі және төмендеуі мүмкін валюта бағамы. Икемді жігіт. Көпшілікпен тіл табыса білетін, ашық мінезді жігіт. Икемді сұраным. экономикалық. Бағадағы арасалмақ сұралатын тауар мен қызметтердің мөлшерінде пайыздық көбеюді туғызатын сұраным. Икемді ұсыным. экономикалық. Ұсыным шамасының өзгеру пайызы тауар бағасы өзгеруінің пайызынан көп болатын ұсыным түрі.