ОҚ
1омоним зат есім. 1. әскери сөз. Дәрімен атылатын қарудың жез гильзаларына ыңғайлап орнатыл ған домалақ немесе сопақша қорғасын. 2. әскери сөз. Қарудың өзінен бөлініп шығып, қарсыласқа тиіп мертіктіретін бөлігі. 3. көнерген сөз. Садақ жебесі. Оқ атты. Қарсылық жасады, қастандық істеді. Оқ атым [ жетер ] жер. этнографиялық. Садақ, мылтық оғының тік ұшып барар шамасын білдіретін халықтық өлшем. Оқ бойы. Тым таяу, оқ жетер мөлшеріндегі қашықтық. Оқ бойы алдында. Алдыңғы жақта, көп алда, көбінен iлгерi. Оқ боратты. Оқ жаудырды. Оқ борату. Үстi-үстіне оқ ату, жаудыру. Оқ жаудырды. Үсті-үстіне төпеп оқ атты. Оқ жетер жер. Оқ атым қашықтық. Оққа арандады. Оққа ұшты. Оққа байлады. Атты, өлтірдi, ажалға нысана еттi. Оққа байланды. Өлімге басын тіктi. Оқ қардай борады. Оқ жауып кетті. Оққа қарсы тұру [ шабу ]. Ажалмен бетпе-бет келу. Оққа ұшты. Оқ тиіп қайтыс болды, оқтан ажал тапты. Оққа ұшырады. Оқ тиді, оққа ұшты. Оқ қылды. Адамға қарсы жұмсады, адамзат игілігіне емес, зиянына бағыттады. Оқ өтті. Оқ тесіп шықты, қадалды. Оқ салды. Оқтады, атуға ыңғайланды. Оқтай қадалды. Зәрлi, қаһарлы жүзбен қарады. Оқтай түзу. Түптүзу, тіп-тік. Оқ тиді. Жараланды. Оқ тиген ұзақ көзденді. Мүсәпір күйге түсті. Оқ түтеді. Оқ жаңбырша жауды, түтеп тұрды. Оқтың астына алды. Жан-жақтан қарқынды түрде оқ жаудырды, атқылады. Оқтың астында қалды. Жауған оқтың iшінде қалды, жан-жақтан оқ борады. Оқ тістесті. Ант етісті, серттесті. Оқ шашты. Үсті-үстіне төпеп, оқ жаудырды.