БАРМАҚ
1омоним зат есім. 1. Бас бармақ. 2. Саусақ, қол мағынасында. Бармағы бал. Асты, тағамды дәмдi дайындайтын адам туралы. Бармағы батпады. Бiр iске тісi батпады, қолынан келмедi, шамасы жетпедi. Бармағы бүгулi. Жасырын ойы, пиғылы бар. Бармағы майысқан. Қолынан келмейтінi жоқ, шебер, iсмер. Бармағына қыстырды. Бiр затты өзгеге сездірмей бердi, ұстатты. Бармағынан бал [ он саусағынан өнер ] тамған. Асқан шебер, өнерпаз. Бармағынан күй төгілдi. Күйдi шебер орындады. Бармағын басты. көнерген сөз. Куәландырды, растады. Бармағын бүгіп қалды. Бiр нәрсенi жасырып қалды. Бармағын емдi. Ештеңемен жұмысы болмады, айтқанның байыбына бармады, саусағын сорып тұра бердi. Бармағын еміздi. Құр сөзбен шығарып салды, нақты көмек көрсетпедi. Бармағын көрсеттi [ шошайтты ]. Бiр нәрсеге риза болғандығын білдіру үшін жасалатын ишарат белгi («міне», «мынадай», «қатқан» деген магынада). Бармағын майға батырды. Байлыққа кенелдi, молшылыққа жеттi. Бармағын тістедi [ шайнады ]. Қатты өкіндi, опық жедi. Бармағын [ қолын ] шығарды. бейпіл. Боқты аларсың деген мағынадағы ишарат. Бармақ асты. Жасырын, құпия. Бармақ басты. Жазусызуды білмейтін, хат танымайтын адамның қағазға, құжатқа қол қою орнына бармағын басуы. Бармақ бастыға салды. Жең ұшынан жалғасты; ауыз жаласты. Бармақ басты, көз қысты. а ) Бiр мәселе жайында алдын ала жасырын келісіп, жең ұшынан жалғасты. ә ) Қулықайласы аралас, ымырашыл. Бармақ бастылық. Пара беру арқылы жақсы нәрсеге қол жеткізу, жең ұшынан жалғасушылық. Бармақ бастырды. Өз сөзін растау үшін, сауаты жоқ адамның қолын қойдыру орнына бармағын бастырды. Бармақ басым. Өте кішкентай, ұлтарақтай, аз ғана, шағын. Бармақ [ бармақтың ] басындай. а ) Аз, шағын, кішкентай деген мағынаны білдіретін халықтық өлшем. ә ) Үлкендігi бармақтың көлеміндей. б ) Баданадай iрi, толық. Бармақ батпайтын. Тығыз, мығым, бос емес. Бармақ батырды. Құқай көрсеттi, қоқан-лоқылық iстедi. Бармақ бауырсақ. тамақ өнеркəсібі. 45 см шамасында ұзынша және бір жағына қарай бүгіс етіп пісірілген бауырсақ. Бармақ елi. этнографиялық. Бiр бармақтың еніндей қалыңдық мөлшерін білдіретін халықтық өлшем атауы. Бармақ қазы. Қалыңдығы бармақ мөлшерлi, майлы, семіз қазы. Бармақ мұртты. Майысқан бармақ пішіндi мұрты бар (адам). Бармақ сақина. Бас бармаққа киетін сақина. Бармақ тістеттірді. Зая кетірді, өкіндірді. Бармақ шайнаттырды. Өкіндірдi, опық жегіздi.