ГИДРОАКУСТИКАЛЫҚ
сын есім. Гидроакустикаға қатысты. Гидроакустикалық барлау. әскери сөз. Кеме, торпеда және басқа да осыларға сәйкес нысаналармен шағылыстырылған немесе сәулеленген акустикалық ауытқуларды талдау, тіркеу және қабылдау жолында гидроакустикалық құралдар көмегімен қарсылас туралы мәліметтер табу, радиоэлектронды барлаудың құрамды бөлігi. Гидроакустикалық бүркеніш. әскери сөз. Сүңгуір қайықтар мен су үстi кемелерінің жүйелерi мен механизмдерінің діріл акустикалық сипаттама деңгейін төмендетуге арналған шара лар кешенi. Гидроакустикалық стансы. әскери сөз. Теңіз нысаналарын (объектілерін) iздеуге, табуға және саралауға, оларға дейінгi қашықтық пен бағытты анықтауға, атысты басқару, кемелер арасындағы байланыс аспаптарына қажет мәліметтер беруге, қарсыластың гидроакустикалық құралдарына қарсы тұруға және жүзу қауіпсіздігін қамтамасыз етуге арналған акустикалық электрлік және электрондық аспаптар кешенi.