АТОМ
[ грек тілі. аtоmоs ] зат есім. 1. физикалық. Заттың ядро мен электроннан тұратын өте кішi бөлшегi. 2. химиялық. Химиялық элементтің өте кішi бөлшегi. 3. ауыспалы мағына. Атом қаруы, атом бомбасы деген мағынада. Атом артиллериясы. әскери сөз. Теңіздегi және құрлықтағы нысаналарды атом снарядтарымен жоюға арналған артиллерия. Атом бомбасы. әскери сөз. Атом қуатына негізделіп жасалған бомба; атом қаруы. Атом ғасыры [ дәуірi, заманы ]. Атом қуаты ғылым мен техниканың, шаруашылықтың барлық саласында пайдаланылған кез, атом қаруы күштi дамыған мезгіл. Атом кемесi. техникалық. Ядролық күш қондырғысы орнатылған кемелердің (су үстіндегi, су астындағы) жалпы аты. Атом қаруы. әскери сөз. Атом қуаты арқылы iске қосылатын бомба, снаряд, ракета т.б. Атом қаруынан қорғау. әскери сөз. Әскери техниканы және олардың iшіндегi адамдарды соққы толқындарынан, ядролық жарылыстың зиянды сәуле лерінен, өтпелi радиациялардан, радиоактив тік заттармен зақымданудан қорғау жүйесi. Атом қуаты [ энергиясы ]. физикалық. Атомдық жарылыстар арқылы алынатын энергия. Атом массасы. физикалық. Атомдық масса бірлігімен берілген атомның массасы. Атом өнеркәсібi. Уран кенін өндіру, өңдеумен шұғылданатын, одан атом энергиясын өндіретін және сол энергиямен жұмыс iстейтін өнеркәсіп саласы. Атом радиусы. физикалық. Молекулалар мен крис талдардағы атомаралық (ядро аралық) қашық тықты жуықтап анықтау үшін қолданылатын сипаттама. Атом сағаты. техникалық. Атом қуатына негізделіп жасалған сағат. Атом снаряды. әскери сөз. Алысқа ататын iрi калибрлi зеңбіректерден атылатын снаряд. Атом сүңгуір қайығы. әскери сөз. Ядролық күш қондырғысы орнатылған сүңгуір қайық. Атом сынағы. әскери сөз. Атом күшін сынап байқау. Атом физикасы. Атомның құрылысын және оның түрлi қасиеттерін зерттейтін физиканың бөлімi. Атом электр стансасы. техникалық. Атом ядросының ыдырау процесінен туатын энергияны пайдаланып жұмыс iстейтін электр стансасы. Атом ядросы. физикалық. Ең кішi элементарлық бөлшектер: протон мен нейтронның бірігуінен жасалып, электрондардың қоршауында жатқан атом бөлшегi.