ТАҢ
1омоним зат есім. Күн шығар алдындағы мезгіл. Таң ағарды. Таң бозғылт тартып, жарық түсу. Таң азаннан. Ертемен, жерге жарық түсе бастағаннан. Таң айырды. Бәйге атын жаратты, таң асырды. Таң алакөбеңденді. Таң сыз бере бастады. Таң алдында. Таң атуға таяр сәт. Таң асты [ асырды ]. а) Қатты не ұзақ жүрістен соң, атты таңға дейін суытып демалдырды. ә) Түнімен, таң атқанша жүрдi, әрекет еттi. Таң атты. а) Түн қараңғысы сейілдi, жарық түстi. ә) Теңдікке жеттi, бостандық туды. Таң ату. Таң қараңғысының ыдырауы, жарық сәуле түсуi. Таң атып, күн батқанша. Ертеден қара кешке дейін, күні бойы, күнұзақ. Таң [ таңды ұйқысыз ] атырды. Таңға дейін ұйықтамады, ұйқы көрмедi. Таң атырмады. Күн көрсетпеді, тыныштық бермеді. Таң бозарды. Таң құланиектеніп ағарды, қылаң бердi. Таң бозы. Таң қылау беріп атып келе жатқан кез. Таңды атқызды. Бiр нәрсемен таң болғанша айналысты. Таңды атырып, кештi батырды. Уақытты бір iспен, әрекетпен ғана өткіздi. Таңды көзбен атырды. Таң атқанша көз ілмеді, түні бойы ұйықтамады, көрер таңды көзімен атқызды. Таңды таңға, күнді күнге ұрды. Күні-түні дамыл таппады. Таңды ұйқысыз атырды [ қарсы алды ]. Түні бойы кірпік ілмеді, ұйықтамады. Таң жапсары түрілді. поэтикалық. Таң атар кез жақындады, жарық түсе бастады. Таң кеугіміндей. Таң қараңғысындай, таң атар алдындағы кездей. Таң көбесі сөгілді. Таң ата бастады, түн қараңғылығы ыдырай бастады. Таң қараңғысы. Таң атар кез, таң алды. Таң қылаң берген кезде [ саз бергенше ]. Таң бозарып атқанда. Таң қылаң бердi. Таң сыр бердi, бозғыл тартты. Таң қылия. Таң бозарып ата бастаған кезде. Таң нұрлы болсын. Таңертең аман көргенде айтылатын тілексөз. Таң нұры. Таң шапағы, таңғы жарық. Таңның атысы, күннің батысы. Күнi бойы, ұзақ күн. Таң сызат берді. Құланиектеніп таң ата бастады, таң бозарды. Таң сарғайып атты [ сарғайды ]. Түн қарағысы сейіліп, таң бозамықтана дала сарғыш тартып, жарық түсті. Таң сәрі. Жерге жарық түсе бастаған, таң қылаң берген уақыт. Таң сәріден. Елеңалаңнан, ертемен. Таң сыз [ сыз ] бердi. Таң ата бастады, таң бозарды. Таңы атып, күні шықты. Арманына жетті, дегені болды.