ТҮН
зат есім. Тәуліктің кешкі уақыттан таңертеңгілікке дейінгі аралығы, қараңғы бөлігі. Түн асқан. Түнімен тұрған піскен ас. Түн асты. Түндi өткізіп, таңды атырды. Түн ауа. Түн ортасы өткеннен кейін. Түн баласы. Түнi бойы. Түн баласында [ баласына ]. Күннің батуынан таңның атуына дейін, түні бойы. Түн бойы. Бүкіл түн іші, тұтас түн. Түн гүлі. ботаникалық. Гүлі түнге қарай ашылатындығына қарай «желімсабақ» өсімдігі осылай да аталады. Түнде ұйқы бермеді. Мазалады, алаңдатты. Түнде ұйқыдан, күндіз күлкіден айырылды. Уайымдады, қамығып қайғы жеді. Түнде ұйқы, күндіз күлкі көрмеді. Тыным таппады, күндіз-түні күнкөріс қамымен шапқылады; мазасы болмады. Түнді кешті. поэтикалық. Түні бойы жүрді, ұйықтамады. Түнді түнге ұрып. Бірнеше түн қатарынан. Түн жамылды. Түнделетіп жүрді, түн ішінде жолға шықты. Түн кешті. Ұзақ түндерді басынан өткерді. Түн көбелектері. зоологиялық. Қабыршаққанаттылар отрядының бір тұқымдасы. Түн көбесі сөгілді. Таң ата бастады, түн жарымынан асты. Түн көрпесін жамылды. Қараңғы түсті. Түн күзетті. Түнді ұйықтамай өткізді. Түн қараңғысы. Түнгі қараңғылық. Түн қатты. Түнделетіп жүрді. Түн қатырды. Түнделетіп жүргізді. Түннің жалауы жығылды. Таң атып, жарық бола бастады. Түн ортасы. Түннің жартысынан ауған мезгіл. Түн ортасы кезінде. Түн жарымында. Түн түндігі түрілді. Таң қылаң берді, түн қараңғылығы сейілді. Түн ұйқысын қашырды. Ұйқысын бұзды, ұйықтауға кедергі болды. Түн ұйқысын төрт бөлді. а) Түні бойы қайта-қайта оянып, баланы жұбатумен болды (емізулі баласы бар ана туралы). ә) Түн бойы дамыл көрмеді, көз ілмеді.