САСЫҚ
1омоним сын есім. 1. Жағымсыз иісті, сасып кеткен, мүңкіген. 2. ауыспалы мағына. Пасық, арам; жаман. 3. ауыспалы мағына. Сиыр малына айтылатын ұрсу сөз. // ауыспалы мағына. Жағымсыз нәрсенің қылаңы, белгісі. 4. ауыспалы мағына. Қажетсіз, керексіз. Сасық ауыз. а) Әр нәрсені бір қоқырсытқыш, өсекшіл. ә) Жатып ішер, біреуді қанап күнелтетін арамтамақ. Сасық бай. Мал жиғаннан басқаны білмейтін, оның қызығын көрмейтін сараң, надан бай. Сасық кеуде. Адамдығы жоқ, қараниет, арам адам. Сасық қамал болды. Көп күн қатарынан жуынбады, бір жерден шықпай қамалып жатты. Сасық қолтық. Лас, салпыетек әйел, салақ қыз. Сасық қулық. Өз пайдасын ғана ойлаған ішкі есеп; арамзалық, арамдық. Сасық ми. Ойсыз, ақылсыз, надан. Сасық намыс. Өтірік намыс, бос көкіреккерушілік. Сасық теңіз. сөйлеу. Суы борсыған, жаңармаған көл.