ӨСІМ
зат есім. 1. Адам, жанжануарлардың, өсімдіктің көбейіп өсуі; өнім. 2. Қосымша түсетін үстеме, пайда. 3. экономикалық. Әртүрлі формада (несие, ссуда) берілген қарыздан алынатын үстеме кіріс немесе қаржылық сипаттағы салымдардан түсетін өспелі табыс. 4. экономикалық. Қаржы міндеттемелерін мерзімінде орындамағаны үшін санкция болып табылатын тұрақсыздық айыбының бір түрі. Өсімге берді. Көбейтіп, еселеп қайтаруды шарт етіп берді. Өсім су. кәс. Мақтаға берілетін екінші су. Өсім мөлшерлемесі. экономикалық. Белгілі бір мерзімге (ай, тоқсан, жыл) пайдалануға алғаны үшін несиені өтеушінің төлейтін несие сомасына шаққандағы пайыздық үстеме сомасы.