ҚАДАМ
[ араб тілі. ] зат есім. 1. Адамның жүру кезіндегi екi аяқтың ара қашықтығы, адым. 2. ауыспалы мағына. Ісерекет, шешім. 3. ауыспалы мағына. Әлдененіңњ дамуы, қозғалысы (iлгерi қарай), алға жылжу, жетілу; даму баспалдағы, сатысы. Қадам баспады. Бас сұқпады, кірмедi, мүлде келмей қойды, ат iзін суытты. Қадам басты. а) Адымдап жүрдi, аттады. ә) Іске кірістi, қолға алды. б) Талаптанды, ниет қылды. Қадам бастырмады. Аяқ аттауға мүмкіндік бермедi. Қадамды қайта бастау. информатикалық. Автоматты түрде немесе кідіріспен орындалатын тапсырма қадамын қайтадан орындау. Қадамды қайталау. информатикалық. Тапсырма қадамын қайталап орындау. Қадамы апшыған. Араны ашылған деген мағынада. Қадамы қабыл болды. Жолы болып, тілегi орындалды. Қадамы құтты болды. Жолы болды, келісi қуаныш әкелдi, мақсатмұратына жеттi. Қадамын қатарына қарай созды. Шамасына қарай тірлік істеді; өзгелерге қарап (бой) ой түзеді; көрпесіне қарай көсілді. Қадамын санап басты. Бәлсіндi, әлдеқандай болды. Қадамыңа гүл бітсін [ нұр жаусын ]. алғыс сөз. Ісің сәттi болсын, бақытқа жет. Қадамың қайырлы болсын. Бiреу бір жақтан келгенде, не бір жаққа аттанғанда, не бір iстi бастағанда айтылатын iзгi тілек. Қадамың құтты болсын. тілек. Ісің сәттi басталсын, келуің бақыт әкелсін деген мағынада. Қадамы тайды. Мерт болды, өлдi; сәтсіздікке ұшырады. Қадамы түзелдi. Шаруасы оңға басып, iсi оңғарылды. Қадамы ұлғайды. Өрісi кеңейдi, өресi өстi.