ТАҒДЫР
[ араб тілі. ] зат есім. 1. діни. Құдіреттің жазуы, жазмыш; адам өміріндегі барлық оқиғалардың алдын ала белгіленуін білдіретін діни ұғым. 2. мифологиялық. Кейбір діниидеалистік философиялық жүйелерде дүниедегі және адам өміріндегі оқиғалардың, жағдайлардың, іс қимылдардың адамға беймәлім жолмен алдын ала анықталып қоятынына сенім. 3. Өмір, тұрмыс, тіршілік. 4. ауыспалы мағына. Бір нәрсенің жайкүйі, келешегі, болашағы. Тағдырдың [ тағдырда ] жазғаны [ салғаны ]. Алланың арнауы, маңдайға жазғаны. Тағдырдың кермесіне кез болды. Басына іс түсті, ауыртпашылық түсті, қиналды, қиыншылық көрді. Тағдырдың құлы. Пенде, көнбіс. Тағдырдың уын ішті. Тұрмыстың ауыртпалығын, қайғықасіретін көп тартты. Тағдырдың шырғасы. бейнелі сөзқолданыс. Бейнет, қиыншылық. Тағдырға иман келтіру. діни. Ислам діні бойынша, тіршіліктегі барлық жақсылық пен жамандықтың белгіленуі бір Алладан болатынына сенуді білдіретін иманның негізгі шарттарының бірі. Тағдырға мойынсұнды [ бағынды ]. Алла тағаланың басқа салғанына көнді. Тағдырға нала қылды [ болды ]. Өміріне риза болмады. Тағдырға риза болды [ көнді ]. Алла тағаланың берген ризығына көңілі толды, басқа салғанына көнді. Тағдыр жазған жол. Маңдайға, пешенеге жазғаны. Тағдыр жетті. діни. Ажалы жетті, күні бітті. Тағдыр соқпағы. Тағдыр талқысы, тәлкегі. Тағдыр сыйы. Пешенеге жазылған жақсылық. Тағдыр тартқан табақ. Пешенеге жазылған тағдыр, жазмыш. Тағдырын қолына алды. Болашағын, өмір жолын өз билігіне алды. Тағдырын қосты. Бірге болды, жұптасты, қосылды. Тағдырын шешті. Істің тетігін тауып, шешімін анықтады. Тағдыры шешілді. Мәселе анықталды, шешімін тапты.