КҮТУ
Күт етістігінің қимыл атауы. 1. Бір нәрсенің басталуын не аяқталуын тосу, біреуге қарайлау. 2. Қонаққа жағдай жасау, баптау. Күту ауданы. әскери сөз. Бөлімшелердің, мотоатқыштар мен танк бөлімдерінің шабуылға шығар алдында алып жатқан жергілікті жер аумағы. Күту бекінісі. әскери сөз. Ұрыс техникасы мен бөлімшелердің жеке құрамдарының, ракета бөлімдері мен реактивтік артиллерияның атыс бекінісіне шығу алдындағы аз уақыт жасырынуға арналған жергілікті жер учаскесі. Күту уақыты. информатикалық. Орталық процессор немесе сыртқы құрылғы кезекті тапсырманың, сұранымының түсуін тосатын уақыт аралығы.