ЖАМБАС
зат есім. 1. анатомиялық. Жанжануарлардың бөксе жағындағы жерде ортан жілікпен жалғасқан сан сүйегінің бір бөлігі. 2. э т н. Сыйлы қонаққа ас бергенде салынатын мүше. 3. Бөксенің екі жақ жаны. Жамбас астауы. анатомиялық. Жамбас сүйектерінің, сегізкөз, құйымшақ омыртқаларының тұйықталып қосылған жері. Жамбас белдеуі. анатомиялық. Бірбірімен шеміршекті жамбас шегі арқылы байланысып, жамбас атауын жасайтын жамбас сүйектері. Жамбасқа салу. спорт. Күрес ойынының әдісі. Жамбас сүйегі. а н ат. Жануарлардың артқы жамбас белдеуінің қаңқасы. Жамбасы жерге тигенше. Өле-өлгенше, ақырғы демі біткенше. Жамбасы жерге тиді. а) Күресте жығылды, жеңіліп қалды. ә) Өлген адамды жерледі, қойды. б) Өлді, дүние салды. Жамбасы [ жауырыны ] жерге тимеген. Күшті, біреуден жығылып көрмеген (балуан туралы айтылады). Жамбасына алтын жамбы салып жатқандай. Молшылыққа кенелу. Жамбасына аяздай батты. Жанға батты, қинады. Жамбасына мұз батқандай. Өте қолайсыз, жайсыз, тым ыңғайсыз жағдайда қалғандай. Жамбасының шұқырына салып сақ тады. Тыққыштап, көзден тасалап сақтады.