ИНЕ
1омоним зат есім. 1. Әртүрлі тоқыма, мақта-мата бұйымдарын, киімкешектерді тігу үшін қолданылатын, жіп сабақтайтын көзі бар, ұшы үшкір жіңішке аспап, құрал. 2. зергерлік. Зергерлік бұйымдардың бетіне жүргізілетін оюөрнектің кескінін түсіріп алу үшін қолданылатын ұшы үшкір қатты материалдан жасалған аспап. 3. медициналық. Ауруларға дәрі егетін аспап, ине сияқты жіңішке құрал. 4. зоологиялық. Жәндіктер мен жануарлардың денесінде болатын өткір тікенек. 5. ботаникалық. Арша, қарағай, шырша сияқты қылқан жапырақты ағаштардың, яки өсімдіктердің тікен сияқты қылқандары. 6. көнерген сөз. Түйреуіш. Инемен емдеу. а) â етістік. Малды ине салу әдісімен емдеу. ә)медициналық. Қытай халық медицинасында екі мың жылдан бері қолданылып келетін адам ағзасындағы жүйке жүйесіне сәйкес нүктелерге ине шаншу арқылы емдеу әдісінің бір түрі. Инемен құдық қазғандай. Өте қиын, азабы көп. Ине жасытты. Инені берік қылу үшін отқа қыздырып алды. Ине жұтқандай. жергілікті сөз. Не істерін білмей, қатты мазасызданғанын білдіргенде айтылады. Ине жұтқан иттей. Тым жүдеу, қатып қалған қатпа, сіңірі шыққан. Ине көзінен жаңа шыққан. Су жаңа, жаңадан тігілген. Ине қармақтай. ілмиген, нәзік, тым жүдеу, қатпа. Инеге ілім киім жоқ. Үстіне киетін киімі жоқ, жамау-жасқау, жұпыны киінген, тозтозы шыққан. Ине мұз. Өзен бетінде, тыныш суда қататын мұз. Иненің жасуындай. Иненің көзіндей, титтей, кішкентай; болмашы. ә) Бір мысқыл, азғантай, зәредей. Иненің көзіндей. Кішкентай, болмашы. Иненің көзінен оқ өткізген. Асқан мерген, құралайды көзге атқан атқыш. Иненің көзінен өткендей. Пысық, қайдан болса да тесіп шығатын кісі әрекеті туарлы. Инені жіпке тізді. Бұрынғысоңғыны ұмытпады, болған істі теріп жүрді, бәле қуды. Ине тастау жергілікті сөз. Қастық жасау. Ине терапиясы. медициналық. Инемен емдеу. Ине шабақтады. Етті әбден қаны сорғып ағып кеткенше ұрғылады. Ине шаншар жер [ орын ] жоқ. Қалың, тығыз, иін тірескен, көп. Ине шаншар орын жоқ. Мүлде орын жоқ. Ине шаншым еті жоқ. Тым арық, жүдеу, қатпа. Ине үстіне отырды. Қыпылдап, ыңғайсызданды, қатты қысылды.