АРША
1омоним зат есім. өсімдік. 1. Кипарис тұқымдасына жататын, сабақтары бұйраланған бүршіктi, хош иістi, ақ, қызғылт түстi, мәңгi жасыл ағаш. 2. этнографиялық. Шыбын, шіркейдi қондырмайтын қасиетіне байланысты шөміш, қасық, күбi сияқты тұрмыстық заттарды жасайтын кәделік ағаш. Арша бұлауға салды. Аршаның буына салып емдедi. Арша ементұмсығы. зоологиялық. Торғай тәрізділер отрядына жататын шағын құс. Арша жазу. Таңбалары арша ағашы бейнелес әріп жазуы. Арша түтету. а) этнографиялық. Тас өкпемен ауырған малды емдейтін халық емi. ә) мифологиялық. Үй iшi, тұтынған заттарды тілкөз, бәлежаладан сақтау, аластау үшін аршаны түтетіп, түтінімен аластау үшін жасалатын нанымсенім, ырым.