ЖІБЕК
зат есім. 1. Жібек құртының пілләсынан өндіріліп, тоқымамата өнеркәсібінде пайдаланылатын табиғи талшық. 2. Беті тегіс, жылтыр қымбат (бағалы) мата. //Жібектен жасалған. 3. ауыспалы мағына. Жұмсақ, биязы, майда. 4. ауыспалы мағына. Жайлы, қолайлы. 5. ауыспалы мағына. Жарамды, пайдалы. Жiбек арқан. Сәндік, әсемдік үшін арнайы дайындалған киіз үйдi бекітетін, тең, жүк т.б. буатын жібектен есілген жіп. Жібек баулы. поэтикалық. Алғыр, атақты. Жібек дауыс. Жұмсақ, сүйкімді жіңішке дауыс. Жібек жел. поэтикалық. Жұмсақ леп, самал. Жібек жолы. тарихи. Ертедегі Қытай мен Византия арасындағы Қазақстан жерінен өтетін, жібек таситын керуенсауда жолы. Жібек жіп. а) Жібек құртынан алынатын өте жіңішке, мықты, үзілмейтін жылтыр жіп. ә) ауыспалы мағына. Таза, асыл. Жібек жіптей. Өте нәзік, үлбіреген. Жібек иіру. тоқыма. Жібек өндіретін өнеркәсіптердегі жібек талшығынан жіп дайындаудың технологиялық процесі. Жібек көбелек. зоологиялық. Қабыршақ қанаттылар отрядының көбелектер тұқымдасы; қанаты жылтыр сары түсті көбелек. Жібек көйлек. Жібек матадан тігілген жұмсақ, жұқа көйлек. Жібек құрты. Жібек талшықтарын шығаратын құрт. Жібек құрты ағашы. Тұт ағашы. Жібек құртын өсіру. Ауылшаруашылығының табиғи жібек талшығын өндіруге мамандандырылған саласы. Жібек мата. Аса құнды саналатын жібек жіптен тоқылған жеңіл әрі сәнді мата. Жібек орамал. Жібек матадан істелген орамал. Жібек тілді. Сөзі майда. Жібекті түте алмаған жүн қылады. Бабын білмеген адам құртады, бүлдіреді деген мағынада. Жібек шұлық. Жібектен тоқылған шұлық.