ЖАПЫРАҚ
зат есім. 1. Өсімдіктің көктемде бүршік атып, көктеп, күзде сарғайып түсіп қалатын мүшесі. 2. ботаникалық. Жоғары сатыдағы өсімдіктердің фотосинтез, газ алмасу, буландыру, қор жинау, көбею қызметтерін атқаратын өсу мүшесі. 3. қолөнер. Жапырақ пішіндес ою түрі. 4. жергілікті сөз. Шүкір дейтін өсімдіктің түрі, атауы. 5. ауыспалы мағына. Бір заттың үзіндісі, бөліндісі. Жапырағы жайқалды. Өсіпөркендеді, көбейді. Жапырақ бақа. зоологиялық. . Бақаның кішкентай түрi. Жапырақ бүргесі. ботаникалық. Тең қанаттылар отрядына жататын зиянкес жәндік. Жапырақ жайды. Жапырағы өсті, көктеп көгерді; қаулап өсті. Жапырақ жарды. Құлпырды, жайқалды. Жапырақ жемірі. биологиялық. Қатты қанаттылар отрядына жататын қоңыздардың бір тұқымдасы. Жапырақ мозайкасы. ботаникалық. Өсімдіктегі қалың шыққан жапырақ тақталарының үстіңгі беттері күн нұрына біркелкі төселе немесе мәнерлене жатуы. Жапырақ өркеш. жергілікті сөз. Ағаштың жапырағы сияқты кішкене, жалғыз өркеш түйелерінің бірі. Жапырақ тастау. ботаникалық. Химиялық препараттар арқылы өсімдіктердің жапырақтарын түсіру. Жапырақ ширатқыш көбелек. зоологиялық. Қабыршақ қанаттылар отрядына жататын ұсақ көбелек.