ТЕПЕ-ТЕҢДІК
зат есім. 1. Бірдей болушылық, бірдейлік, тең түсушілік; заттың немесе құбылыстың тең дәрежелі, біркелкі болуын өрнектейтін категория. 2. спорт. Бокста соққы жасағанда, қорғаныста, ринг үстінде жүргенде дененің бірқалыпты ұстау қабілетін сақтай білу. 3. спорт. Гимнастикада спортшының еден үстінде немесе гимнастика жабдығында бір аяғын немесе қолын тіреп (тірелетін аумақтың көлемі әдеттегідей кішкене болады), сан түрлі қатып тұрған жағдайдағы бірқалыптылығы. Тепе-теңдік бағасы. экономикалық. Бұқаралық рынокты алуға арналған тауарға немесе қызметтерге қойылған төмен баға. Тепе-теңдік константасы. физикалық. Стехиометриялық коэффициенттерінің дәрежесімен алынған бір реакцияның тепе-теңдік активтерінің көбейтіндісінің осы реакцияның бастапқы заттарының сондай көбейтіндісіне қатынасы. Тепе-теңдік концентрациясы. химиялық. Термодинамикалық тепетеңдікте болатын фазалардағы компоненттердің концентрациясы. Тепе-теңдік қалыпты бұзу. спорт. Қарсыласы шабуыл жасаған кезде оның әрекетін, ойын алдын ала біліп, қапталдарға кету немесе шегіну арқылы денесінің бірқалыпта ұсталуын бұзу. Тепе-теңдік қалпын сақтау. спорт. Бір немесе бірнеше әріптестерімен қоса өзінің де тепе-теңдік қалпын сақтайтын акробатикалық жаттығу.