КЕСКІН
зат есім. 1. Бет пішін, әлпет, келбет. 2. Тұлға-тұрпат. 3. Түр. 4. Бейне. 5. психологиялық. Бейне, нысанның адам санасында бейнеленуі, философиялық, психологиялық, социологиялық және эстетикалық пайымдаулардың ұғымы. 6. информатикалық. Мәліметтерді көзге көрінетіндей ұсыну; көзбен көру, бетіне бір уақытта шығаруға болатын шығу мен сегменттер примитивтерінің жиынтығы. 7. Сурет. Кескін аймағы. информатикалық. Шағын баспа жүйе бағдарламасындағы беттің бөлігі. Кескіндерді айырып тану. информатикалық. Ақпарат кескіндермен немесе оптикалық сигналдармен ұсынылған жағдайда бейнелерді айырып тану. Кескіндерді енгізу құрылғысы. информатикалық. Растрлық матрица түрінде компьютерге екі өлшемді, жарты реңкті кескінді енгізуді жасақтайтын құрылғы. Кескіндерді қысуды басқару бағдарламасы. информатикалық. Сурет түріндегі кескіндерді қысудың немесе қалпына келтірудің әртүрлі әдісін пайдалану мүмкіндігін қамтамасыз ететін бағдарлама. Кескіндерді өңдеу. информатикалық. а) Адамдардың кескіндерді көруін, қабылдауын жақсарту үшін дербес компьютердің аппараттық бағдарламалық құралдарының көмегімен кескіндерді талдай отырып түрлендіру. ә) Кескінді цифрлық формаға түрлендіру және оны келесі өңдеу. Кескіндерді өңдеу тақшасы. информатикалық. Экрандағы (теледидарлық) кескіндерді күрделі түрдегі өңдеуден өткізетін баспа тақша. Кескінді шешу. информатикалық. Графикалық кескіннің аудан бірлігіндегі ақпарат мөлшерін анықтайтын параметр. Кескін масштабын өзгерту. информатикалық. Экран терезесін немесе таңдап алынған суреттің, графикалық бейненің масштабын өзгерту – үлкейту, кішірейту. Кескіннің түсін түзету. информатикалық. Түс туралы ақпаратты, аппараттықтәуелсіз өңдеуді жасақтайтын Windоws 95тің жаңа ішкі жүйесі. Кескін сегменті. информатикалық. Машиналық графикада – біртұтас бүтін ретінде шақыруға болатын кескіннің (графикалық примитивтердің) элементтер тобы. Кескініңнен айналайын. сөйлеу. Біреуді, әсіресе кішкентай баланы жақсы көру сезімін білдіретін, еркелететін сөзқолданыс. Кескініңді ит жалағыр. сөйлеу. Кішкентай баланы, жақын адамдарды өзімсініп еркелеткенде айтатын сөзқолданыс. Кескінің құрысын! сөйлеу. Өзімсініп, еркелеткен жақын адамның сөзі.