АНТ
зат есім. 1. Қасиеттi нәрсемен сендіру арқылы берілетін салтанатты түрдегi серт, уәде. 2. Адалдыққа, заңға сәйкес әрекет етуге, қандай да бір міндеттемелердi орындауға салтанатты ресми түрде берілетін уәде. Ант айтысты. Серт байласты, уәделестi. Ант алды. Сертін алды, уәдесін алды. Ант амансыз. Антсыз, уәдесіз, сөз байласпастан. Ант аралады. Уәдесi, сертi бұзылды. Ант атсын [ ұрып кетсін ]. экспрессивті. қарғыс сөз. Сөзіңде тұрмасаң, уәдеңдi орындамасаң, сендірген қасиеттi нәрсеңнен жаза тап деген мағынада. Ант аттады. Уәденi бұзды, сертте тұрмады. Ант атты [ ұрды, соқты ]. Құдай оңдырмады, қасиет тұтқан нәрсенің киесi ұрды, жазасын тартты, сазайын алды. Ант ауды. Серттескендердің бір жағы уәдесін орындамады, сертін бұзды. Ант байлады. Уәделестi, серттестi. Ант бердi. а) Серт байлады, сөз байлады, уәде бердi. ә) Қасиеттi нәрселермен сендіріп салтанатты түрде серт бердi. б) Адалдыққа, бар ынтасымен бір нәрсеге, біреуге қызмет етуге, қандай да бір міндеттемелер алуға ресми, салтанатты түрде уәде бердi. Ант берушi. Серт иесi, уәде берушi жақ. Ант берістi. Сөз байласты, уәделестi, серттестi. Ант бұзды. Серттен тайды, уәдеде тұрмады. Ант еттi. а) Қасиет тұтатын нәрсесi арқылы сендірдi, бар ниетімен иландырады. ә) Адалдыққа, қандайда бір уәдесін, сөзін орындауға және тағы басқа. салтанатты түрде серт бердi. Ант жасады [ қылды ]. Қандай да бір нәрсенi орындауға салтанатты түрде серт бердi, уәде бердi. Ант жұтты. Уәдесін орындамады, антын бұзды. Ант мезгіл. сирек қолданылатын сөз. Өлер шақ. Антпен иман бекідi. діни. Аллаға, оның жалғыз Құдай екендігіне деген сенім ауызбен айтылған калима сөзбен және жүректе түйілген уәдемен бекітіледі. Ант салды. Уәдесін, сертін алды. Ант соқты. Оңбады, опық жедi. Анттан тайды. Уәдесінде, сертінде тұрмады, уәдесіз болды. Антты орындау. Берілген серттен таймай, мойнына салған міндеттеменi түгел атқару. Ант шайқады. Сертін бұзды. Ант шықты. Оңбағандық, жексұрындық пайда болды. Антына берік. Уәдесін жерге тастамайтын, айтқанында тұра алатын, уәдесіне мықты. Антын ақтады. Айтқанын орындады, уәдесінде тұрды. Антынан айнымады. Уәдесінде тұрды, айтқанында тұрды, сөзіне беріктік танытты. Ант iштi. Қарғаныпсіленіп, қасиет тұтқан нәрсесін айтып сендірдi.