ЦИФРЛЫҚ
зат есім. информатикалық. 1. Арифметикалық сандарды, үздіксіз өзгеретін шамалар аппроксимациясын, логикалық өрнектерді немесе логикалық айнымалыларды ұсыну үшін қандай да бір жолмен цифрлар пайдаланылатын әдіс. 2. Кернеу деңгейі бойынша ақпаратты ұсыну тәсілі. Цифрлық байланыс. информатикалық. а) Цифрлық таңбалау ағыны. ә) Ақпаратты цифрлық пішінді жеткізу. Цифрлық басқару. информатикалық. Жабдықтар мен технологиялық процестерді программаланатын есептеуіш құрылғылар арқылы басқару. Цифрлық дыбыс. информатикалық. Компьютер жадына дыбысты сандар тізбегі түрінде жазу әдісі. Цифрлық желі. информатикалық. Мәліметтердің цифрлық сигналдарымен операция орындайтын мәліметтерді жеткізу желісі. Цифрлық жеткізу. информатикалық. Жеке үздікті импульстер немесе сигналдар деңгейі түрінде кодталған мәліметтер символын жеткізу. Цифрлық жобалау. информатикалық. Кірісі мен шығысы үздікті айнымалылар сияқты ұсынылған схемалар мен жүйелерді жобалау. Цифрлық жүйе. информатикалық. Цифрлық (үздікті) сигналдарымен операция орындайтын кез келген жүйе. Цифрлық зонд. информатикалық. Штрихталған кодтарды немесе символдарды оқу үшін пайдаланылатын шағын аспап. Цифрлық код. информатикалық. Таңбалар жинағы тек цифрдан тұратын код; символдары ретінде цифрлар алынатын шарттаңба. Цифрлық кодтау. информатикалық. Кодталатын хабар цифрлар мен сандар тізбегі түрінде жазылатын кодтау. Цифрлық кодтық жинақ. информатикалық. Цифрлардан тұратын, сонымен қатар басқару элементтері мен арнайы бедербелгілер қамтылатын, бірақ, әдетте, әріптер кірмейтін кодтық жинақ. Цифрлық коммутация. информатикалық. Мәліметтерді жеткізу желісіндегі цифрлық сигналдарды аналогтық түрге ауыстырмайақ, олармен әртүрлі әрекеттерді (операцияларды) орындау арқылы байланыс орнататын коммутация түрі. Цифрлық қолтаңба. информатикалық. Мәліметтердің ұқсастығын және тұтастығын жасақтау үшін хабар соңына қосылатын биттер тіркестігі. Цифрлық қосындылауыш. информатикалық. Кірісіне берілген әрі сигналмен ұсынылан екі санның қосындысын қалыптастыратын құрылғы. Цифрлық мәліметтер. информатикалық. Санаудың белгілі бір жүйесінде үздікті пішінде ұсынылған мәліметтер. Цифрлық планшет. информатикалық. Қаламұш деп аталатын арнайы аспаппен жабдықталған, үстелге орнатылған жазық тақта. Цифрлық пішін. информатикалық. Ақпаратты цифр түрінде (аналогты пішіннен айырмашылығы) ұсыну және сақтау тәсілі. Цифрлық сигнал. информатикалық. Тек екі мәнді, әдетте нөл мен бірді қабылдайтын сигнал; уақыттың кез келген сәтінде кернеу мәні бірнеше (әдетте, екі) деңгейдің біріне сәйкес келетін сигнал. Цифрлық сұрыптау. информатикалық. Сұрыптау кілті цифрлық кодпен ұсынылатын сұрыптау. Цифрлық сүзу. информатикалық. Цифрлық өңдеу әдістерінің негізінде сигналдарды сүзу. Цифрлық схема. информатикалық. Үздікті сигналдарға назар аударатын және шығуында үздікті сигналдарды тудыратын электрондық схема. Цифр -лық үлгі. информатикалық. Цифрлық мәліметтерді сипаттауға арналған үлгі. Цифрлық шама. информатикалық. Дискретті өзгеретін және санмен берілетін шама. Цифрлық ЭЕМ. информатикалық. Дискрет шамалармен операция орындайтын компьютер.