ЭСТЕТИКАЛЫҚ
сын есім. кітабистиль. Әсемдік дүниесіне қатысты көркемдік. Эстетикалық қабылдау. педагогикалық. Баланың ақиқат құбылыс пен өнер процесіндегі эстетикалық сезім күйін тудыратын қасиеттерді айқындай алу қабілеті. Эстетикалық қатынас. педагогикалық. Баланың зат, құбылыс, жағдайларға эстетикалық сапа тұрғысынан баға беру қабілеті. Эстетикалық ләззат. Табиғат, қоғам өмірі мен өнер туындысынан сұлулықты қабылдау нәтижесінде немесе ұнамды әрекет үстінде адамның рухани дүниесінің тебіреніп, жан рахатына батуы. Эстетикалық пікір. педагогикалық. Эстетикалық мұрат пен көркемдік талғамға негізделген баланың табиғат, өнер, қоғамдық құбылыстарға идеялық сезімдік баға беруі. Эстетикалық сезім. Болмыстағы шындықтың сұлулығын, әдемілігін, әсемдігін қабылдаудан туатын көңіл күйі. Эстетикалық тәрбие. педагогикалық. Болмыстағы және өнердегі сұлулық пен әсемдікті дұрыс қабылдау үшін, адамның эстетикалық түсінігін, сезімін, талғамын қалыптастыру үшін берілетін тәрбие.