НЕСИЕЛІК
сын есім. экономикалық. Несиеге қатысты, соған тән, несие бойынша. Несиелік ақша. қаржы термині. Несиелік билеттер, несиенің дамуы және ақшаның төлем құралы ретіндегі атқарымы негізінде пайда болған төлем құралдары (банкноттар, чектер, вексельдер). Несиелік билеттер. экономикалық. Эмиссиялық банктер шығаратын және несиелік ақша рөлін атқаратын құн белгілері. Несиелік карточка. экономикалық. Жеке тұлғаның есепшотындағы ақшаны банкомат қызметі арқылы пайдалануға мүмкіндік беретін, құпия жеке код арқылы ашылатын пластиктен жасалған төрт бұрышты қима. Несиелік қатер. экономикалық. Қарызгердің несиегерге қатысты өз міндеттемелерін орындамау қатері: қарызгердің пайыз төлеуден және (немесе) несиегерге тиесілі негізгі (күрделі) борышты қайтарудан бас тартуы мүмкін екендігі. Несиелік шектеу. экономикалық. Несие мөлшерін банктер мен мемлекеттің шектеуі немесе қысқартуы.