ҚҰЛЫНДАЙ
сын есім. 1. Сүйкімді, тартымды, жақын. 2. Құлын сияқты, құлындікі тәрізді. // Кішкентай күнінен. Құлындай ойнады [ ойнақтады ]. Қутыңдап құлдыраң қақты; ойнақтады. Құлындай ойнап шыға келді. Құлантаза айығып, сергіп кетті; жайраң қағып, құлпырып, қоң жинап алды. Құлындай тебісіп өсті. Кішкентайынан бірге жүріп, қатар өсті. Құлындай шұрқырасты. Қуана қауышты. Құлындай шыңғыртты. Жан даусын шығарды, жанына батырды. Құлындай шырқырады [ шыңғырды ]. Қатты айқайлады, жан даусы шықты.