ЖАУ
1омоним зат есім. 1. Біреудің елінжерін жаулап алмақ болып шабуыл жасаушы, шапқыншы. 2. Өштескен, қастасқан адам, дұшпан. 3. ауыспалы мағына. Зиянын тигізетін, кесірін келтіретін нәрсе. 4. ауыспалы мағына. Белгілі бір нәрсеге тойымсыз, ашкөз, обыр. Жау айдағыр. қарғыс сөз. Дұшпанның алдында кеткір. Жау алғыр. қарғыс сөз. Дұшпан қолында кеткір. Жау алды. Жау шауып, күшпен басып алды. Жау алмайды. Ештеңе болмайды, ешкім де тимейді. Жау басар жүйрік. Ұрысқа, қиянға шығар таңдаулы саңлақ; сайысқа сай тұлпар. Жау болды. Жауықты, өштесті, қастасты. Жауға алдырды [ жау алдырмады ]. Жаудан жеңіліс тапты, қолындағысынан айырылды. Жауға аттанды. Дұшпанға қарсы шықты, елін қорғау үшін атқа қонды. Жауға қимады. Жаманшылық тілемеді. Жауға түсті. Тұтқын болды. Жауға шабылды. Жаудың талантаражына ұшырады. Жауға шапты. Дұшпанға қарсы шықты, бетпе-бет тұрды. Жау дабылы. п о эт. Жаудың келіп қалған белгісi. Жаудан жағасы босамады. Жаудан арылмады, дұшпаны көп болды. Жаудан кек алды. Жауға кеткен есесін қайтарды, жауды жеңді. Жаудан қайтпады [ жасқанбады ]. Жеңілмеді, беті қайтпады. Жауды алды [ жеңді ]. Дұшпанын жеңді. Жауды кескіледі. Жауын жеңді, өлтірді, аямады. Жауды қуды. Жаудың соңына түсіп қашырды. Жаудың беті. Жаудың қаһары, екпіні. Жаудың қолы. Жаудың жасағы. Жау етті. Араздастырды, қастастырды, өштестірді. Жау жағадан [ бөрi етектен ] алғанда [ алған шақта ]. Қиын-қыстау кезде, қысылтаяңда. Жау жағадан алды. Басқа қиыншылық түстi, жан қысылды. Жау жасағы. Жаудың қарулы қолы. Жау жегір. қ а рғ. Дұшпанға жем болғыр, талауға түскір. Жау жетті, ел көшті. У-шу, аласапыран; ақырзаман туғыза даңғазалатып сөйлеу. Жау жоқта жау сағынды. Тиісерге қара таппады, ұрынуға кісі таппады. Жау жығылды. Дұшпан жеңілді. Жау жыланы өтті. Арада іріткі болды, арасына от түсті. Жау көзінен жасырды. Жауға білдіртпеді. Жау көрді. Дұшпан санады, қас деп білді. Жау қабақ. Түксиген, суық қабақ. Жау қамап келе жатқандай. Қорқу, елегізу, үрейі ұшу. Жау қарасы. Көрінген жау. Жау қашырды. Жауды қуды. Жау қуғандай. Асығыпүсігіп, асып-сасып, аптығып. Жау малындай. Дұшпанның дүниемүлкіндей. Жау мұндалады. Шарқ ұрып ұрысатын жау тапты. Жау оғы. Дұшпанның атқан оғы. Жау ордасы. бейнелі сөзқолданыс. Қан майдан, жаудың ең негізгі күші жинақталған жер. Жау санады. Дұшпан деп білдi. Жау тигендей. Дүрлігіп, туталақайы шығып, асығыс. Жау тиді. Дұшпан тұтқиылдан шабуыл жасады. Жау түсірді. Дұшпанын қолға түсірді, ұстап алды. Жау тылы. Жаудың артындағы елжұрты. Жау шапқандай қылды. Туталақайын шығарды, дүрліктірді. Жау шапты. Жау шабуыл жасады; талады, тонады. Жауын алты қырдан асырды. Жауды тырқыратып алысқа бірақ қуып тынды. Жауын жеңген батырдай. Мойнынан бір ауыр жүк түскендей, көп жұмысты еңсеріп тастағандай.