БӨРІ
1омоним зат есім. 1. Қасқыр, серекқұлақ. 2. тарихи. Түркi халықтарының тарихи жадындағы киелi ұғым, қасқырдың жағымды атауы. 3. ауыспалы мағына. Қаныпезер, қанішер адам. 4. ауыспалы мағына. Тайсалмайтын, жаужүрек адам. Бөрi айбат. Қаһарын тігіп, айбар білдіріп, сұс көрсетушілік. Бөрi бүлкек, бөкен жортақ. Бүлкілдеген тез жүріс, екпіндеген, сар желіс. Бөрi кеуде. а) Кеудесi кең, алдыңғы екi аяғы алшақ (ат). ә) Иықты, кең жауырынды (адам). Бөрi қабақ. Түксиген қалың қабақ. Бөрi құлақ. Тiкірейген, үшкір құлақ. Бөрi құрсақ. Бiрде аш, бірде тоқ. Бөрi құрсақтанды. Ашықты, ас орнына жел жұтты, ашқұрсақ болды. Бөрінің [ қасқырдың, көкжалдың ] бөлтірігi. стиль. Жауыздан туған жауыз, сұм. Бөрi өңгерген лақтай. Дәрменсіз, шарасыз. Бөрi тиген қойдай. Шулады, азан-қазан болды. Бөрi iшік. Бөрінің терісінен iстелген қалың, мықты, сапалы iшік.