1омоним сын есім. Биік емес, аласа, тапал. Жатаған беткей. геологиялық. Жабыны мен табаны бір-біріне шамамен параллель орналасқан жалпақ геологиялық денелердің (қойнауқаттардың, линзалардың, желілердің, сығылмалардың және тағы басқа.) төменгі жазықтығы. Жатаған қатпар. г е ол. Осьтік жазықтығы көлбеу бағытқа созылған, қанаттарының еңістену бұрыштары жайпақ, екі қанатының бірі төңкерілген күйде ұшырасатын қатпар.
2омоним сын есім. Жатқыш, жата беретін жалқау. Жатаған түйе. Үстіне жүк артқанды, адам мінгенді жақтырмай, жатып алатын қырсық түйе.
3омоним зат есім. өсімдік. Жер бауырлап тырбиып өсетін сарғалдақтар тұқымдасына жататын шөптесін өсімдік. Жатаған ақсора. өсімдік. . Алаботалар тұқымдасы, ақсора туысына жататын өсімдік түрi. Жатаған бұта. Өркендерi жерге жайылып өсетін бойы аласа бұта өсімдік түрi. Жатаған ешкімия. өсімдік. Көпжылдық, көген тамырлы, яғни жерасты сабақты өсімдік. Жатаған өсімдіктер. Сабақтары жерге төселе өсетін не желі сабақты өсімдіктер. Жатаған самырсын жаңғағы. ботаникалық. Қылқан жапырақтылар тұқымдасына жататын бұта сияқты ағаш сабақты өсімдік жемісі. Жатаған сарғалдақ. өсімдік. Көбінесе дымқыл шалғындар мен бұлақ, арықтың жағаларында, батпақ пен ойыс жерлерде, биік тау белдеулеріндегі батпақтарда өсетін сарғалдақтың бір түрі. Жатаған шырша. өсімдік. Қарағай тұқымдасына жататын мәңгі жасыл, өте сирек кездесетін ағаш.
4омоним зат есім. Таяу және Орта Шығыс халықтары арасында 16 ғдан бастап қолданылған қару, қылыштың бір түрі.