САМЫРСЫН
зат есім. өсімдік. Өте биік өсетін қылқанжапырақты ағаш; қарағайдың бір түрі. Самырсын жаңғағы. ботаникалық. Қылқанжапырақтылар тұқымдасына жататын самырсын ағашының жемісі. Самырсын күнжармасы. тамақ өнеркəсібі. Самырсыннан алынатын жарма. Самырсын қарағай. өсімдік. Қарағай тұқымдасы қарағай туысына жататын аралас ормандарда басқа қылқан, жалпақ жапырақты ағаштар арасында өсетін мәңгі жасыл ағаш. Самырсын майы. Самырсынның жас бұтақтарынан және жас шыбықтарынан су буымен айдалып алынатын қылқанды эфир майы. Самырсын орманы. Негізінен самырсын ағашынан тұратын мәңгі жасыл қылқанды орман.