ДАЛАЛЫҚ
1омоним сын есім. 1. Далаға тән, далада орналасқан. 2. Даланың ауа райына, табиғатына сәйкес бейімделген. 3. Қала өркениетінен алшақ, еркін, ауылдық, табиғатқа етене жақын. Далалық армия. әскери сөз. Әскер тобы, бір бөлімнің құрамында немесе өздігінен бір операциялық бағытта ұрыс қимылдарын жүргізуге арналған топ. Далалық аэродром. әскери сөз. Авиациялық бөлімдердің (көбінесе майдандық, армиялық шептерде) уақытша орналасуы үшін қолданылатын қосалқы аэродром және маневр жасау аэродромы. Далалық демократия. Далалық этномәдени жүйеге сәйкес қалыптасқан еркіндік, билік жүйесi. Далалық ел-жұрт. Кең жазық өңірдi мекендеген халық (түркi халықтары туралы). Далалық өркениет. Көшпенділер өркениетi. Далалық жер. географиялық. Таусыз, ормансыз, шөп басқан жазық аймақ. Далалық жерүстi артиллериясы. әскери сөз. Ұрыс даласындағы бөлімдер мен бөлімшелердің ұрыс қимылдарын тікелей қолдануына арналған артиллерия. Далалық қорғаныс құрылыстары. әскери сөз. Әскери міндеттердi орындауға қолайлы жағдай туғызу үшін, сондай-ақ жеке құрам мен ұрыс техникасын қарсыластардың жойғыш құралдарынан қорғау үшін дайындық және ұрыс әрекетi кезінде тұрғызылатын бекіністер. Далалық пошта. Әскери бөлімнің шартты мекенжайы. Дала лық сот. әскери сөз. Соғыс кезінде әскери тәртіптi бұзып, қылмыс жасаған адамдарды соттайтын орган. Далалық таным. философиялық. Ешқашан өзгермейтін, мыңдаған жылдар бойы қабылданған құндылықтарды сол күйінше ұстана беретін көшпенділер дүниетанымына негізделген альтер нативтi білік. Далалық тоғандар. ауылшаруашылық. Жануарларды суару, су құстары мен балық өсіру, кейде егін суару мақсатында сайлар мен ойыстарда жасалатын тоғандар.