ҚЫЛМЫС
зат есім. 1. Қоғамдық құрылыс пен жеке бастың мүддесіне қарсы бағытталған іс-әрекет. 2. құқықтық. Қылмыстық кодекс бойынша жазалау мүмкіндігімен тыйым салынған, қоғамға қауіпті әрекет немесе әрекетсіздік. 3. ауыспалы мағына. Жалпы тәртіпке, жөнжосыққа жат, жарамсыз қылық, күнә. Қылмыс жасады. Қылмыс істеді, заңға қайшы іс істеді. Қылмыс кодексі. құқықтық. Айыпты іске қолданатын заңдар жинағы. Қылмысқадайындалу. құқықтық. Тікелей ниетпен қылмыс құралдарын немесе бейімдеп жасау, қылмысқа қатысушыларды іздестіру, қылмыс жасауға сөз байласу не қылмыс жасау үшін өзге де қасақана жағдайлар жасау. Қылмысқа қатысушы. құқықтық. Қасақана қылмыс жасауға бірлесіп қатысқан екі немесе одан да көп адам. Қылмыс құралы. құқықтық. Қылмыстық құқық пен қылмыстық іс жүргізу құқығында қылмыскер қолданған қандай да бір зат есім. Қылмыс социологиясы. құқықтық. Қылмыстың әлеуметтікпсихологиялық жақтарын, себептерін және оны алдын алу, болдырмау шараларын зерттейтін социология ғылымының саласы. Қылмыстардың жиынтығы. құқықтық. Екі не одан да көп қылмыстық әрекеттердің шоғыры. Қылмыстың алдын алу. құқықтық. Қылмыс жасауға қолайлы жағдайлар мен оның себептерін азайтуға, жоюға, сақтандыруға, құқық бұзушылардың мінезқұлқын түзеуге бағытталған мемлекеттік және қоғамдық шаралар жүйесі. Қылмыстың қайталануы. құқықтық. Бұрын қасақана жасаған қылмысы үшін соттылығы бар адамның қасақана қылмыс жасауы. Қылмысты тіркеу. құқықтық. Қылмыстың алдын алуда, анықтауда, жылдам әрі толық ашуда пайдаға асатын нысандарды тіркеу жүйесі. Қылмысты іздестіру. құқықтық. Құқық қорғау органдары қызметінің бір түрі.