МАНЕВР
[ француз тілі. mаnоeuvre ] зат есім. әскери сөз. 1. Ұрыс операциясын әзірлеу және жүргізу кезінде алға қойған мақсаттың өзгеруіне байланысты әскерлерді қайта орналастыру, қаружарақты қарсыластың аса маңызды нысандарына бағыттап, ұрымтал тұстан қайта нысанаға алу. 2. Космостың ұшу аппараттарының орбиталарын әдейілеп өзгертуі. Маневр аэродромы. әскери сөз. Ұрыс қимылдары барысында әскерлерді, ұрыс техникасы мен материалдық құралдарды жайғастырып орналастыруға, торуылға, жанаржағармайды қайта құюға, тиеуге немесе түсіруге бөлінген авиациялық бөлімдер. Маневр жасады. әскери сөз. Соққы беретін тұстарды күрт, тез, әдейі ауыстырды. Маневр жолдары. әскери сөз. Құрамалардың (бөлімдердің) әрекет жасау аумағында екінші эшелондардың маневрлері үшін, материалдық құралдарды жеткізуге, науқастар мен жаралыларды, қираған техника, қару-жарақ және әскери мүліктерді жеткізуге арналған әскери жолдар.