ЖАТТЫҒУ
1омоним зат есім. 1. Белгілі бір өнерді игеру үшін керекті дағдылану процесі. 2. спорт. Жүйелі түрде дене шынықтырудың жиынтық комплексі. 3. педагогикалық. Оқушының жаңа материалды жақсы түсінуі үшін жүргізілетін оқыту процесіндегі әдіс. Жаттығу алқабы. әскери сөз. Әртүрлі қаружарақтарды, әскери техника мен құралдарды сынауға, жауынгерлерді жаттықтыру жұмыстарын жүргізуге арнап салынған құрылыстары мен жабдықтары бар құрлықтың немесе теңіздің бір аймағы. Жаттығу әдісі. педагогикалық. Оқушының білімін пысықтап, іскерлігі мен дағдысын қалыптастыруға бағытталған оқыту әдісі. Жаттығу кезеңі. әскери сөз. Кезекті әскери оқу тапсырмалары өтілетін жаттығу бөлімі (кезеңі). Жаттығу кемесі. әскери сөз. Теңіз училищесі курсанттары мен қатардағы құрам мамандарын дайындайтын мектеп оқушыларын істәжірибеден өткізуге арналған әскери кеме. Жаттығу қаруы. әскери сөз. Оқу сабақтарында жаттығу үшін қолданылатын қару түрлері. Жаттығу мәнісі. әскери сөз. Жаттығуды ұйым дастыру мен жүргізудің негізгі мазмұны.