ОПЕРАЦИЯ
[ латын тілі. оperаtіo ] зат есім. 1. медициналық. Ота, адам не хайуан денелеріндегі кеселді жою үшін жасалатын хирургиялық емдеу тәсілі. 2. Белгілі бір жұмыстың орындалу барысы, атқарылу үдерісі. 3. әскери сөз. Белгілі бір елді мекенді, қаланы жаудан азат ету не басып алу мақсатымен істелетін әскеристратегиялық қимыл, әрекет. 4. информатикалық. Компьютердегі мәліметтермен орындалатын белгілі бір іс-әрекет. Операция бөлмесі. медициналық. Ауруларға операция жасалынатын арнаулы бөлме. Операция жасады. Кеселді хирургиялық жолмен сылып тастады. Операция коды. информатикалық. Орындалатын операцияны (операндтар құрылымын да) анықтайтын мәшинелік команда өрісі. Операциялар бойынша жоспарлау. Орындалатын жұмыс қағидаттары бойынша өндірістік ресурстарды топтопқа бөлу. Операцияларды қосарлау коэффиценті. кен ісі. Ұңғылау циклінде кейбір үдерістер мен операциялардың бір мезгілде қос атқарылуы мүмкіндігін сипаттайтын шама. Операциялардың қосарлануы. информатикалық. Әртүрлі құрылғыларда бағдарлама операторлары берген әрекеттердің бір мезгілде орындалуы. Операцияларды хронометраждау. кен ісі. Нұсқаулықтехнологиялық карталарды жасауға қажетті мәліметтер алу мақсатымен циклдік және мезгіл-мезгіл қайталанып отыратын операцияларды орындауға жұмсалатын уақытты есептеп, зерттеу. Операция өрісі. информатикалық. Мәшинелік команданың бөлігі немесе операция кодын жазуға арналған стандартты бланктың өрісі. Операция регистрі. информатикалық. Операция коды бар басқару құрылғысындағы командалар регистрінің бөлігі. Операция үстелі. Ауру адамға операция жасау үшін дайындалған орын, арнаулы үстел.