МАЙ
1омоним зат есім. 1. тамақ өнеркəсібі. Әртүрлі өсімдік түрлерінен (жержаңғақ, зәйтүн, қалампыр, қарағай, қыша, жүгері, үпілмәлік т.б.) алынған жоғары сапалы сұйық май. 2. Жанжануарлардың, құстың денесіне жиналатын етке жабысқан ақсары түсті жұмсақ тағамдық зат есім. 3. Малдың сүтінен алынатын сары май. 4. Көлік жүргізуде, қозғалтқыштарды іске қосу, майлау т.б. жағдайларда қолданылатын сұйық отын (бензин, керосин т.б.). 5. этнографиялық. Көлік күші. 6. этнографиялық. Жалға берген жердің құны. 7. ауыспалы мағына. Құнарлы. Май алмасу. биологиялық. Тамақпен ағзаға енген майлардың ішекқарында ферменттер әсерінен ыдырауы. Май ана. этнографиялық. Отқа май құйып, Май (Ұмай) анаға сиынып, тілек тілеу кезінде айтылатын сөз. Май басты. Қатты семірдi, майланды. Май батпақ. Қоюсұйығы әбден араласқан, жабысқақ, иi қанған, қиыршық, құм, тасы жоқ, майда, қоймалжың лай. Май безі. анатомиялық. Құрылысы жағынан қарапайым май сөлін бөлетін бездер. Майға бөкті. Денесін әбден май басып, семірді, жұнттай болды. Май жинады. Семірді, ет алды. Майдан [ май ішінен ] қылшық суырғандай. Жайлап, ақырындап, баппен. Май жасушасы. биологиялық. Ағзадағы қорланған май ұлпасын түзетін жасушалар. Май жұтты. Қайғықасіретке батты. Май көт болды. Майлы аяқ болды, жолы болды. Май қап! тілексөз. Түкірігіне немесе тамаққа шашалған кезде адамға айтылатын тілексөз. Май қуырдақ. тамақ өнеркəсібі. Балық етін өз