ОҚТАЙ
сын есім. 1. Оқ сияқты, оқ тәрізді. 2. ауыспалы мағына. Тартқан сымдай, тіп-тік, түптүзу. Оқтай ақты. Тез, жылдам жүрдi. Оқтай атылды. Бірден ытқып кетті, тұра ұмтылды. Оқтай зулады [ зырлады ]. Көз ілеспей зымырады. Оқтай қадалды [ қадады ]. Қаһарлы раймен шаншыла, тікірейе қарады; көзін қадады. Оқтай парлады. Барынша зымырады, құйғыта шапты. Оқтай тиді. Шаншудай қадалды. Оқтай түзу. Түптүзу. Оқтай ұшты. Жұлдыздай ақты, зымырады.