МЫРЗА
[ араб тілі. ﻤﻴﺭﺯﺍ ] зат есім. 1. Дәстүрлі қазақ қоғамындағы ауқатты, беделді әлеуметтік топ өкілі және соларды мадақтау мәніндегі атау. // Қашан да дастарқаны мол, жомарт. 2. этнографиялық. Бай, дәулетті, беделді адамның ұрпағына құрметтеу нышанында қолданылатын атау. 3. ауыспалы мағына. Қолы ашық, жомарт адам. Мырза атанды. Беделі артты, құрмет пен дәулетке ие болды. Мырза жігіт. Қолындағы барын аяп қалмайтын, соңғы нанын жолдасымен бөлісіп жейтін, дүниенің бетіне қарамайтын, қолы ашық, жомарт, паң жігіт. Мырза күз. Дәнді дақылдар мен жемістің пісіп молайған мезгілі. Мырза мінез. Жайдары, ашық, ақжарқын.