сын есім. 1. Араз, қас, жау. 2. ауыспалы мағына. Бір затқа әуес, құмар, ынтық. Өш алды. Кек алды, өшін жібермедi, есесін қайырды. Өш болды. Жауықты, қастасты, өштесті. Өш иттер. Бірбірін көргенде үре жөнеліп, ырылдасып, абаласа кететін бір-біріне қас иттер. Өші бар. Кегі бар, есесі қайтпаған. Өші қалды [ кетті ]. Есесі қайтпады, кегін ала алмады. Өшін қайтарды. Кеткен есесін, кегін алды.
= етістік. 1. Жануын тоқтату, сөну. 2. Бір заттың бетіндегі жазуы, бояуы кету, жоғалу, жойылу. 3. ауыспалы мағына. Салы суға кету, үміті үзілу. 4. ауыспалы мағына. Жойылу, жоқ болу, ұмытылу. 5. ауыспалы мағына. Құру, кему, солу. Өшкен шырағы қайта жанды. а) Түтіні қайта түтеді, отбасы мүшелері қайтадан табысты, ұрпақ көрді. ә) Көзі қайтадан көретін болды. Өшпейтін із қалдырды. Аты мәңгілік даңққа бөленді.