ЖАНУАР
зат есім. зоологиялық. 1. Тірі ағзалар дүниесіндегі негізгі екі топтың бірі (екіншісі – өсімдіктер); жүруге және сезінуге бейім тіршілік иесі. 2. этнографиялық. Жылқы малына сүйсінгенде, таңғалғанда айтылатын қаратпа атауыш. Жануар белогы. биологиялық. Жануарлардан алынатын өте сапалы белок. Жануарлар анатомиясы. Жануарлар ағзасының құрылысын зерттейтін ғылым. Жануарлар биохимиясы. биологиялық. Жануарлар ағзасының химиялық құрамы және химиялық құбылыстар мен энергиялық процестер туралы ғылым. Жануарлар генетикасы. биологиялық. Жануарлардың тұқымқуалаушылық және өзгергіштік қасиеттерін зерттейтін ғылым. Жануарлар географиясы. Жер шарындағы жануарлардың тіршілік жағдайларын, түр құрамын, дамуын зерттейтін биогеография ғылымының бір саласы. Жануарлар гистологиясы. биологиялық. Жануарлар жасушаларының, оның өте ұсақ құрылымдық құрылысын, тіндерінің шығу тегі мен дамуын зерттейтін биология ғылымының бір саласы. Жануарлар [ жендіктер ] дүниесі. биологиялық. Жер бетінде тіршілік ететін жануарлар (жендіктер) елемі. Жануарлардың бағдарлануы.биологиялық. Жануарлардың кеңістіктегі тіршілік ету қабілеттілігі, белгілі бір экологиялық жағдайға морфофизиологиялық бейімділігі. Жануарлардың дауысы. биологиялық. Бір түрге не әр түрге жататын жануарлардың өзара бірінбірі ажырату және түрлі сезімін білдіру үшін шығаратын дыбыстары. Жануарлардың жүйеленімі. биологиялық. Жануарлар әлемінің әртүрлігіне байланысты, олардың ұқсастық белгісіне не арасындағы айырмасына қарай, жануарларды сипаттау, топтастыру, жүйелеу. Жануарлардың қоныс аударуы. биологиялық. Тіршілік еткен ортасының өзгеруіне немесе көбею кезеңіне байланысты жануарлардың мекен ауыстыруы. Жануарлардың қорғаныш бейімділігі. биологиялық. Жеке ағзаның тіршілік үшін күресте сақталуына, ұрпақ қалдыруына көмектесетін морфологиялық, физиологиялық және этиологиялық ерекшеліктері. Жануарлардың ұйқысы.биологиялық. Жылықанды жануарлардың қолайсыз жыл мерзіміне бейімделуі. Жануарларды сұрыптау. зоотех. Малдың жаңа тұқымдарын шығару және оларды жақсарту туралы ғылым. Жануарлар морфологиясы. биологиялық. Денесінің пішіні мен құрылысы, олардың ерекше және тарихи эволюциялық дамуы туралы ғылым. Жануарлар туралы ертегілер. фольклор. Адам мінезін жануарлар бейнесі арқылы тұспалдап, аллегориялық тесілмен пернелеп жеткізетін, хайуанаттар жайындағы ертегілер. Жануарлар физиологиясы.биологиялық. Жануарлар ағзасының, оның жеке жасушалары, тіндері мен органдарының, қызмет жүйелерінің тіршілігі туралы ғылым. Жануарлар экологиясы. Экожүйесіндегі популяцияның тіршілік ету заңдылықтарын анықтап, жануарлардың қоршаған ортаға бейімделуін зерттейтін экологияның бір саласы. Жануарлар эмбриологиясы. Жануарлардың ұлттық немесе эмбриондық дамуын, кең мағынада алғанда жеке ағзаның дамуын толықтай зерттейтін ғылым. Жануар майы. биологиялық. Ағзаға қуат беруші рөлін атқаратын және пластикалық материал болатын күшті май.