СҰРЫПТАУ
зат есім. 1. биологиялық. Ағзаның сыртқы орта жағдайларына мейлінше көп бейімделуін қамтамасыз ету үдерісі. 2. геологиялық. Ұсақталған бөлшектерінің мөлшері бойынша әр текті пайдалы қазылымды ірілігі жөнінен шамамен біртекті екі не одан көп өнімге бөлу үдерісі. 3. информатикалық. Шақырулардың сұрыптаулық тізбесіне қосылған терминалды немесе оның құрауышын адрестеу; белгілі бір ережеге сәйкес жиын элементтерін топ бойынша үлестіру үдерісі. 4. әскери сөз. Арнайы сұрыптаулық қондырғы арқылы жүзеге асырылатын телебасқару объектілерінің қабылдау қондырғысында пәрмендік белгілерді (сигналдарды) ажырату үдерісі. Сұрыптау ережелері. химиялық. Атомдар, молекулалар, атомдық ядролар, қарапайым бөлшектер және басқа физикалық жүйелердің квант күйлері арасындағы мүмкін болатын ауысуларды анықтаушы ережелер. Сұрыптау құндылығы. биологиялық. Бір генотиптің басқа генотиппен салыстырғандағы сұрыптау құндылығы (артыішылығы). Сұрыптау шкаласы. кен ісі. Затты ірілік кластарға бөлу үшін қолданылатын жиынтық елек тесіктерінің қатары.