WONDER WORDS · Казахский язык

жайма

Значение слова

1омоним зат есім. 1. Үстіне бір нерсе салу не қою үшін құрастырылған ағаш қаңқа, өре. 2. Үстіне құрт, ірімшік т.б. заттар жайып кептіруге арналған төрт аяқты биік қондырғы. 3. Базарда не дүкен жандарында үстіне ертүрлі бұйымдар жайылған орын. 4. Жапқыш мата. Жайма базар. а) ескі-құсқы, ұсталған бұйымдармен сауда жасайтын орын. ә) көнерген сөз. Ертеректегі саудагерлер мен қолөнершілердің өздері саудалаған бұйымдарын жерге жайып көрсететін, сауда орны. Жайма жал. Дудырап төгілген қалың жал. Жайма зорат. жергілікті сөз. Бастары түйістіріліп жайып тастаған, орылған тары. Жайма сауда. Дүкеннен тыс көше, далаға шығып жасалатын сауданың түрі. Жайма шана. Қанатсыз жайдақ, жадағай шана.

2омоним зат есім. жергілікті сөз. Үйге төсейтін немесе тұсқа ұстайтын үлкен кілем.

3омоним зат есім. Асқа арналған төсеніш, ас-су қоюға арналған көлемді мата, дастарқанның бір атауы.

4омоним зат есім. жергілікті сөз. Кішкене қап. Жайма қап. жергілікті сөз. Түйенің екі жағына екі қап артқанда, соның ортасын тегістеу үшін салынатын кіші қап.

5омоним зат есім. жергілікті сөз. 1. Етке салатын нан. 2. Майға пісірілген нан. 3. Қамырдың, нанның бір жаюға арналған бөлігі. 4. Кісі қайтыс болып, ас пісіргенде жұқа қылып майға пісірілген шелпек. Жайма құймақ. тамақ өнеркəсібі. Ашыған сұйық қамырдан езірленіп, дөңгелек пішінде табаға пісірілетін жұқа құймақ. Жайма нан. Жайма. а) Етке салатын нан. е) Жұқа етіп жайып, майға пісірген шелпек. в) Май қоспай, қазанға жапқан нан. г) Нанды жайып, үзіпүзіп салып жасаған тамақ түрі.